Google ADS

Kërkohet lirimi i Sylejman Selimit, ndryshe do të ashpërsohen protestat

12:38 | 19 Shtator 2018
Arbresh.info

Një grup ish luftëtarësh të UÇK-së, para pallatit të drejtësisë në Prishtinë kanë kërkuar lirimin e menjëhershëm të të gjithë bashkëluftëtarëve të tyre që po mbahen sipas tyre padrejtësisht nëpër burgjet e Kosovës.

Në këtë protestë u kërkua konkretisht lirimi i komandantin Sylejman Selimi dhe shokëve te tij, përndryshe paralajmëruan protesta më të ashpra duke bllokuar të gjitha institucionet ne vend, raporton arbresh.info.

Xhavit Jashari, kryetar i shoqatës së veteranëve ka kërkuar që të lirohen dy të dënuarit menjëherë dhe të gëzojnë lirinë që e sollën vetë.

“Kërkesa jonë është që të ndërpritet gjithë kjo padrejtësi që po ju bëhet atyre. Ata të lirohen menjëherë ta gëzojnë lirinë që e luftuan vetë. Institucionet tona duhet to mbrojnë ata që e sollën lirinë këtu. Tendencat kryesore të tyre janë për të njollosur luftën e UÇK-së”, u shpreh ai.

Protestuesit paralajmëruan se nëse nuk do të merren masa konkrete për lirimin e tyre protestat do të vazhdojnë në ditët me vijim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm